” ورك نملة ” بقلم/وحيد علي الجمال
قالي وحشه
هى ايه ؟
القصيدة !!
هنه واضحه ؟!
يعني بحر !
قالي لآهه ؛
تبقى قافيه ؛
قال لآهه !!
قلت لسه
حته فاضله
راح تفسر
المعادلة
برضه وحشه !?
سيب لي فرصة
تبقى جرسه
ضلع ناقص
رأيي واضح
جاي تفاصل
انت واعي
عيد قراءة
في وقت تاني
خد كمان
حبة ثواني
مش لاماضه
طب ناقشني
مش هتفهم
انت أعلى
م السفاسف
يعني مدح
ولا قدح
مستواك اكبر
وأرقى
طب ساعدني
مش موافق
قبل ماتوقع
معاهدة
قبل ماتنشر
تفكر
مستواك في الشعر
ا كبر
ربنا يجبر بخاطرك
مش بهزر
خد برأي
ورأي غيري
بس قلبك
هو اصدق
انت اقوي
اوعي تمشي
في سكه عارجه
كله بيجمل نفاقه
لأجل ماترد المعاملة
الكتابة مش توازن
لما هتجامل هجامل
حتي لو كان المقابل
ورك نملة
الفنون لو تمشي
واسطة
يبقى هز الوسط
افضل من قلم
طالع مجاملة
وحيد علي الجمال
التعليقات مغلقة.