وش القهوه…بقلم أحمد زيدان
الكرسي و فنجان القهوة
و الشيش متوارب قدامي
اللحظه اللي بتظهر فيها
بتلم غسيلها و بتسكن
النظر الحائر وحداني
بيسلم علي طرف عينيها
ملهوف و بينطق وحشاني
الكرسي و فنجان القهوة
الكحل الداكن من عينك
الشعر الطائر علي كتفك
الورد الاحمر لون خدك
و الشوق ، الحاير ، في عيوني
سكران و مدروخ مش حاسس
و البن الفاير في الكنكنه
بيقولي ارجوك ارحمني
الكرسي و فنجان القهوة
و الورد الدبلان بقا ورور
وانا سارح من هول المنظر
مسطول من حسنك مش داري
انك مش واقفه قدامي
السهره لحد الصبحيه
وانا واقف مستني تطلي
وانشاله ما تبوصي عليا
يكفيني النظره لجمالك
مستني الضربه الجويه
بسهام الشوق و الملاغية
الراديو الشغال بيقولك
انا قلبي عليللك يا بِنيه
يا اميره في هيئة جنيه
الكرسي و فنجان القهوة
انفاس الناي المكتومه
بتقولك براحه عليا
انا عاشق حسنك قبل الصبح
والضهر بصلي و بدعي لك
والعصر نسايم تحكي لك
والمغرب أوشك علي ليليگ
وانا قاعد بشرب في القهوة
بقلم أحمد زيدان
التعليقات مغلقة.