وصية واجبة النفاذ بقلم / سيد جعيتم
لما يحين الأجل
ويطلع السر الالهي
ما تزعليش
دا الموت كاس وداير
ما بينقيش بس الكبير
فما تحزنيش
وكفنيني ف توب
يسترني يا دوب
وف حزنك ما تطوليش
وبلاش لون السواد
يكسي القلوب
ويضلم الحيطان
ويطول شهور و اعوام
كفاية أيام
وخدي العزا ع المقابر
مش عايز صوان
كفاية تقري آيات
من القرآن
وف الميعاد كل عام
زوريني
وبدعوة أفتكريني
يمكن بيها أدخل الجنة
ولمي حواليك الولاد
وما تخليش بينهم فراق
ولو سألك عني الأحفاد
قولي كان بيكره الاكتئاب
ويحب المرح والوداد
التعليقات مغلقة.