وصيه أمي … شعر السيد ابو قورة
صحيت الصبح من بدري
وقلت اتمشي في الدوار
لأوضة أمي وداني
حنين عشش في وجداني
ومشاني لها مشوار
لقيت الأوضه مفروشه
ونور طالل تقول كوشه
لقيت أمي وبتسبح
ف إيديهاالحنه منقوشه
وف عنيها هدي وأنوار
قالتلي عيش كما الريشه
وما تعافر مع التيار
عمر الناس ما تتغير
ولا تحفظ لبعض اسرار
ولا هتقر يوم بالخير
ولاهتقول يادنيا عمار
تعيش العمر شقيانه
تسيب مشوار
تعيش مشوار
ولا يجي في يوم تحمد
لو ملكت دهب وياقوت
يتقدر بكام قنطار
وتفضل عايشه في معاصي
مابين رشوه وغلا وتجار
يبصوا لبعض في اللقمه
وفي قلوبهم سواد وغبار
ومتغيرش شئ مكتوب
وقول يارب يهديهم
وعيش الدنيا لو مغلوب
وعيش في الأرض
كالصبار
التعليقات مغلقة.