وصيّة بابا..شعر..وجيه وسلاتى
ناداني بابا لَحنين
نهار وَحنا كنّا قاعدين
قلّي كلامه بقلب حزين
خوذ وصيّة بوك لَحبيبْ
أسمعني وِلدي نوصّيك
هذي الدنيا صعيبة عليك
كتخالط شوف حِلّ عينيك
فَرّق بين صاحب والذّيب
عطّر قلبك بالإيمان
وِارمِ حمولك ع الرحمان
كُن أطيب و أحسن إنسان
كونِ ذكي ديما وْ لبيب
هذي وصيتي لْوِلدي الغالي
راك عمري كلّو وراس مالي
خلّي قدرك دِيما عالي
نُصحِ الوالد موش غريب
التعليقات مغلقة.