وطنى يا أخر نظره فى عيني بقلم آمال محمد عبدالله الوغي
غدرتوا ليه بيا
يااللي ماتعرفونيش
دا أنا كان مازال فيا
أحلام ونفسي أعيش
ورايا طفل بريء
إسمه علي إسمي
حوشت دمع العين
لأول مره يمشي
ورايا أم وأب
حطني بعد الرب
انا السند والعوض
مالهمش بعدي حد
طب كنت حتي أشوف
أنا نوع مولودى إيه
هايجي بعدي الكون
وأنا مش هاكون فيه
مين هايأذن بعدى فى ودنه
مين هايوصيه بستو وجدو
أخر همي كنوز الأرض
وماسبهمش بعدى لحد
أبويا وأمي أنا ما إتخلتش
لأخر ثانيه رفضت اني أمشي
موت وحاضن ترابها بكفي
إبنك غصب إتاخد غدر
وطنى يا أخر نظره فى عيني
شايف دمي شق طريق
هما إفتكروا خلاص برحيلي
مش عارفين إننا بنزيد
ماشي وقلبي عليك مطمن
سايب بعدى كتير بيكمل
مهما يحاولوا يشككوا فينا
بنرجع تاني أقوى من الأول
وطني يا أخر نظره فى عيني
التعليقات مغلقة.