وقدرت تبعد
جمال زكي عينر
وقدرت تبعد عني
وتسافر وتهجر
وقدرت على نفسي انا
ع البعد أصبر
عودت نفسي
ع البعاد وعلى الضنا
وقلت يمكن
يشتاقلي يوم
يمكن يفكر
طال البعاد والانتظار
واتمنى اسمع
خبر يبجيني
يقول لقلبي
انك هترجع
كان ليه يا قاسي
تفوتني اتعذب في بعدك
ده انا قلبي م البعد انجرح
والعين بتدمع
ارجع بقى
كفاياك شقى
كفاياك عذاب
ده انا قلبي لو داق اللقا
حيعود شباب
وتعود لي فرحة اتبددت
من يوم غيابك
وحتلقى شمعة منورة
على كل باب
ان كنت ناوي ع الرجوع
ارجع اوام
ما تزيدش في عيوني الدموع
ويا الآلام
ده انت حبيبي وضي عيني
انت الدوا
انت الهنا انت الفرح
والابتسام
وان كنت مش ناوي الرجوع
او غصب عنك
ابعتلي حتى مع الطيور
نسماية منك
ابعتلي صوتك اسمعه
واسمع صداه
ابعت جواب اطلبني فيه
تلقاني عندك
بقلمي الشاعر جمال زكي عينر
التعليقات مغلقة.