وقلنا زمان بقلم الشاعر جمال زكي عينر
وقلنا زمان وتاني نقول
مفيش اجمل من الطيب
ولما نقول كلام معقول
ماحدش فينا يتعيب
يا بخته اللي يقول كلمة
تكون نبتة لزرعة خير
يقولها ونفسه مبتسمة
وفاردة جناحها زي الطير
فخلي كلمتك مركب
تعدي بالبشر للبر
وخلي مشيتك موكب
تحارب بيه خلايا الشر
تعالى الله في سماواته
وعايشين كلنا ف ارضه
ليه ما نفكرش في آياته ؟
ليه نهرب من أداء فرضه ؟
ما تيجوا نعيشها بالحسنات
بدال ما نعيشها في معاصي
ونتنافس على الخيرات
ونهرب من شيطان عاصي
حتعمل خير تموت مستور
وبين الناس تصير ذكرى
وقصة تنكتب في سطور
لحب الخير تكون فكرة
التعليقات مغلقة.