وكيف انسى بقلم الشاعر / أشرف الشناوي
وكيف انسى
الكلام الحلو والرقه
انا حافظ تفاصيلك
وبالدقه
يااجمل ماخلق ربى
وزاد حبه
رموشك زى ليل
نازل على السكه
عيونك صبح بيغنى
وفى الشده
وخدك ورد م البلدى
وشعرك زى ياسمينه
فلوكه راسيه فى المينا
وايدك بلسمت وجعى
تشد الروح من الجته
مايفضلش ولا حته
تمس القلب انفاسك
تخشى بكل حراسك
وتحتلى المكان كله
الاقى النبض مترتب
فبستغرب وبتعجب
واسيبك ايوا وبراحتك
تشيلى السنط من قلبى
يااجمل ماخلق ربى
كفوفك هى مرسايا
ياسر الفرحه جوايا
فكيف انسى
الهوى وانتى
بقيتى كل دنيايا
التعليقات مغلقة.