ولا ليله نقدر نِفْتِرٍق …
أشرف يوسف
ولا ليله نقدر نِفْتِرٍق
شعر غنائيگلمات : أشرف يوسف
حبيت و قَلْبِك حبني
و بقينا نحلم باللقا
نوعد و دايما نلتقي
و قلوب گتير متفرقة
و يا بختنا مع حبنا
في گل صبح و كل ليل
عيشنا الغرام ويا الأمل
ولا فيه بنعرف مستحيل
و حاولنا مرات نِفْتِرِق
و الشوق فى لحظه
يضمنا
وِانْ يوم بعدنا بالأمل
نرجع لبعض ف حلمنا
صِدْقْ الحنين من قلبنا
خلانا نحلم بالرجوع
ولا طوبه فى جَدَارْ الأمل
بنهدها رغم الدموع
الله علينا ف گل شئ
بنحسه مع طعم الحنين
حبينا بعض ف كل ليل
ونهار و قولنا مشتاقين
أجمل ما في الدنيا الهوي
يا حلاوته بين المغرمين
ما تيجي بيه نحلم سوي
و ناخد لنا وياه يومين
وِنْ جه عزول يعتب علينا
نبعده و نقوله ليه
لا يهمنا أبدا عزول
و لا عمرنا فگرنا فيه
من إمتي فى الدنيا العزول
بيحس قلبه أو يِرِقْ
واحنا اللي دايبين في الهوى
و لا ليله نقدر نِفْتِرقْ
ولا ليله نقدر
نفترق
الأحد بتاريخ ٢٠٢١/١٢/١٩م
بقلم الشاعر : أشرف يوسف
من ديوان : حگاية حب
التعليقات مغلقة.