ولسه الشمس.محمد الشناوي الشيوي
بتفتح عيون الورد
وتغسل فيه أنين
أمسه
راحو الأحباب
وفاتو الباب
بتبكي دموعه
من يأسه
مسير الفرحه هتعاود
لقى الاحباب
وتظهر لينا تباشيره
عيون بيره
بتبكي والفراق محتوم
ودلو بيرسم القصه
بإيد وارد
وبالفكه تبيع عَمرك
وترتاح َمن فؤاد
شارد
يا دا الوارد
على سنين الخلا
صدفه
وفارد نسمتك رباحين
تعالي إتملي بأشواقي
لكن قولي
أقابلك فين
حدي ساقيه تركها
الليل
تكفن ضحكه إمبارح
على دقه خطي خفت
صفيحها يدوب من
المالح
على بلبل غناه تنهيد
على المواعيد
وكيف كانت بتتصالح
يقول النور تسابيحك
بتتمنى نهار صالح
يشوف وش العباد
يفرح
لسجاده الهموم يسحب
خلاص بقه الغيوم
تنحب
وقلبي طق من
الغربه
بقينا في نفسنا غربه
هحاول إني أكون
فرحه
في كف نهار بيتعايق
برقه بنت بدويه
لهمسه ورده بريه
على حيطان النسيم
ترقص
وتكتب قصه الغربا
أكيد مني وأنا منها
ففكرنا نكون صحبه
تكون هيا الجزور
ممكن
أكون شدو الغصون
جايز
نكون لك ندر
نكون قول الندي
للفجر
حنين فرحه للقي
حاير
نكون داير
ندور حواليه
ميخلصشي
هفتح شمستك
وأمشي
لخدود الورد
التعليقات مغلقة.