وليه الدنيا تضحكلى
أشرف الشناوي
وليه الدتيا تضحكلي
وبعد الضحكه
تبعتلى طابور احزان
واعيش الفرح فى دقيقه
وفى دقيقه طوفان حرمان
وأقول بكره يكون اجمل
من امبارح والاقى مكان
ألاقى الجرح ليه طارح
عيدان وكيزان
اقول جايز يكون بعده
نلاقى فى كفه
لون سعده بدون ألوان
الاقى كله جاى لينا
مالوش عنوان
وليه يعنى فى ضحكتنا
نكملها بوصله عياط
ومانحسش بفرحتنا
ونلقى شياط
ونلقى كلاب على ديابه
بيخدوا انواط
وناس واخداها
ايامها على الاحباط
تركبها تثبتها بالف رباط
يجيها الريح وبيسببها
فى لحظه بلاط
ويعبطها الوجع
ويلزق وتحت الباط
وداروا ياما بقلوبهم
مفيش خياط
قدر يجمع قلوب
باشت فى توب اموات
ويجى الفجر ويسيبهم
يلاقى الوشم فوق ايدهم
فيوعدهم بحلم وفات
فيصحوا الصبح ويلاقوا
دا ان فاقوا من السكره
يلاقوا الباقى من روحهم
يادوب دقات
وكام ضحكه على المدبح
تصلى وتدعى
وتسبح
تعيش لساعات
اشرف الشناوى
شاعر عاميه
البرامون
التعليقات مغلقة.