وليه تبكي …
جمال زكي عينر
وليه تبكي ؟
وليه مستني ليك طبطاب ؟
ما دام عارف
مفيش صاحب مفيش احباب
ده لو تصبر
وتتغلب على دموعك
حتلقى الجرح
من غيرهم في قلبك طاب
وليه تبكي ؟
وصار الكل مش عارفك
ما دام صاحبك
عامل نفسه ماهوش شايفك
بلاها دموع
بلاش شكوى من الأيام
وعيش واكتب
قصص وخيالها من حرفك
وليه تبكي ؟
على اللي باعوك وبالساهل
خسارة دموع
في ناس خاينة ما تستاهل
عاشر إنسان
عليك بيخاف
يكون بالعشرة واصولها
ماهوش جاهل
وليه تبكي ؟
كفاية نواح كفاية دموع
فايت قمرك
ومتونس بضي شموع
يضيع عمرك
وانت مش داري
وليه حابب
تعيش مخدوع ؟
بقلمي الشاعر جمال زكي عينر
التعليقات مغلقة.