وليه نكره …بقلم حسن أبوعرب

وليه نِكرَه وليه بنشِيل !؟
مابينا الجهل فاء الحد
كفايه دنيا هَدَّه الحيل
ودهر سنينُه فينا تهِد
وليه عكرنا صَفو النيل
جعلنا مابينا مليون سد
وقبَحنَا لكل جميل
وقَطعنَا حِبَال الوِد
فهل ممكن نلاقي دليل
لشمس تدَفِّي قلب البرد
وهل ترحل سنين الويل
ونرخِي لخيط مابينا اتشَد
وهل ممكن نلاقي دليل
يِجَمَّع كل يَد ف يد
ينادي الفجر يِطوِي الليل
فهل يسمع ويجِي الرد ؟!