ومضة أمل …..بقلم علافياله
وشْوِش وُشُوش الناس وطير
من غير جناح وانسى اللي راح
وارسم براح للناس كبير
واكتب وداع يا سنين جراح
واحلم تكون ف الدنيا غير
م القلب قول للناس سماح
وافرح …بقا ….وكمل
شقشق يا صبح أوام عشان
صوتك يدندن ف القلوب
خلينا نفرح بيك كمان
من قبل ما يبان الغروب
دا مفيش أوان بيسيب مكان
إلا وكان فيه العيوب
وأكيد …..هانتحمل
ماشين ساعات وساعات تهون
شايفين شعاع نور من بعيد
و عشان تشوف بكره العيون
لازم نقيد ف القلب عيد
لو غاب حبك عنك ف يوم
تلقاه بينده من بعيد
وتعيشها بيه أجمل
التعليقات مغلقة.