ومين دايم علي حاله بقلم أحمد زيدان البلياتشو
من فضلك خليكي مكانك
لو جايه تشوفي وصلت لفين
خدى بالك غيرت مكاني
لا استايللي عاد يشبه شكلك
ولا فرمة شعري علي مزاجك
أنا كنت بخبط علي بابك
دلوقتي أنافاتح باب تاني
و قفلت الذكري علي جنابك
كان عندى يقين و ايمان في الله
إنه !
راح يكشف أخطائك
ولابد المؤمن أن ينصاب
و أهو كله بفعلة غلْطاتك
و ان كنتي مصيبة وشر بلاء
فانا صابر زى ما قال ربي
و اكيد دا جزاء
من عند الله
و بكفر عن مجمل ذنبي
والله عافرت عشان مخسرش
زرعتك ورده ف أحلامي
و ان كنت في يوم ضليت عنك
فاديني رجعت و من تاني
و اذا كنت غفلت هواك لحظه
ف دا كان من جملة تقصيرك
مثلت عليا أن انت برىء
وانا صدقتك
و عليك الدور الله يعينك
شوف كام معلش و عديتها
و سنينك مُر و بشربها
شوف عد لفين فكرك ما يجيب
و إن كنت ه تقدر تحسبها
هتلاقي جميلك اضعافه
كدبك حوراتك أفعالك
و اضربهم في العمر و شوفه
هتلاقي الناتج كان سالب
ضيعت حياتي عشان بهواك
و هواك دمرني و كان غالب
و زرعتك في الحلم التاني
شوكه في ضهري
و الجد الضحك ليالي الشوق
حكايات والله ما ليها مثيل
كان التمثيل ديما غالب
بسذاجه سلمتك امري
وفعز الجرح ماكان هادى
القاك تحرجني و ك العاده
مكتوب لي اتوجع اجباري
وفعز ماكنت بقول مليت
ألقيني بحب اللحظه دى
التعليقات مغلقة.