وياليل بقلم.. عصام أديب ابو شحاته
ياليل الليل ياليل روُّح
وهاتلي م الحبيب انسام
يسبني وقلبي مطوُّح
لاهوْ صاحي ولا بينام
بناجي ف الهوى طيفه
يردَّدلي صدى صوته
يقولي قلبي مش كيفه
ولا كيفه يزيدني إلهام
ونا حرفي فــْ هواه شادي
ولحني م الآهات مقامات
زرعت ورودي في بوادي
بتجذب للعيون إلاه
لانا قادر فيوم ابعد
ولا قلبي قِدر يسلاه
يداعبني النسيم واحلم
تمطَّرني سَماه بهواه
ياليل الليل ياليل روُّح
دنا مصلوب على عودك
مابين ميَّت وبين مجروح
وعمري رهن لَوْعوْدك
تقطَّرلي الامل قطْره
فأتعشم انا فـ نيلك
وبجني من هواه حسره
وعمري صرَّه منديلك
وياليل الهوى رُوحْلُه
وعلملي الحبيب يشتاق
يبوحلك هو وتبوحله
وقُولُّه دا العناد حراق
يقاسي انت في طبعك
دا قلبك في الغرام صياد
لا جه قبلك ولا بعدك
قدر ينصب لقلبي شباك
التعليقات مغلقة.