و رجعنا للي فينا …
أسماء البيطار
و بنهرب من اللي فينا
جوه عالم غريب عننا
يمكن فيه ننسى نفسنا
صحيح بنقعد مسهمين
ودان بتسمع بعنين مفنجلين
سامعين الكلام وش
و مش قادرين نقول هُش
اصل الهدوء طبعنا
قولنا نجرب بختنا
و نهرب شوية من حظنا
فوقنا لنفسنا و قولنا عيب
نقعد بقى شوية نسمع الكلام
لقينا اللي فيهم اد اللي فينا
و ازيد حبتين
اتاري العالم كله غريب
كله بيهرب من اللي فيه
و بنستخبي جوه بعضنا
المهم ادينا تهنا حبتين
و رجعنا للي فيه .
مُجرد خاطرة
التعليقات مغلقة.