” و عجمى ” كلمات الشاعر/السندباد الطائر غريب الشعراوى
انا حرفى لما انكتب
وقف الديوان مبهور
و الخط شافه انجذب
لعندليب مشهور
…
كروان يدندن غُنا
و اللحن هام مفتون
مفتون ياجم السنا
بنور جميل موزون
…
و عام ميزان الأدب
فوق بحر كله بدور
بدور بلون الدهب
بتلف فوقنا تدور
…
يا مرصعين الأمل
بنجوم و فوقها نجوم
يا صبر راكب جمل
فى نبض بحرى يعوم
…
تعوم معاه سكتى
و السكه رايحه لفين
رايحه لبيت قافيتى
ولا لنور العين
….
يا عين عيون بسمتى
و البسمه ريحة الفل
تحضن رموش نسمتى
من ضله فوق الكل
..
يا كل حرف انعزف
من كل ناى موال
مش قطعتين من خزف
فوق سيف فى إيد خّْيال
التعليقات مغلقة.