وهكذا ….وهكذا…..
بقلم مايسة إمام
مين الأعمى؟!… ومن أعمى ؟!
من اللي احساسه بيستعمى ؟!
ضرير القلب بيتغمى بسواده
لسان حالة … الشر وعماده
وعامل فيها صوت المساكين
لابس وش الجدعنة ……..
خافي كل الملعنة …………
حاطط في العسل سم دفين
تشوفه تقول دا بلسم شافي
غلبان زيك……. فقير حافي
أو حرفوش من حرافيش
زويلة والسكرية والمغربلين
لاكتاب يوم قرا عنه………..
ولا قرآن أخد منه…………..
ولا سنة ولا صحيحين
وكمان يحلل الحرام في الدين
رايح جي يطنطن لنا ويقول
وهكذا…….. وهكذا ………
أنامش هاكون علي الحذا
قائد همام للفتونة والشبحنة
وكل فنون الأذي …………
محضرتش يوم فصول أدب
ولا شوفت فيها…….. تلمذة
و هاعلم أجيال تكون…….
كذا …..وكذا…. وكذا …..
تبقي في ليلة ويوم
نجوم ساطعة ..تبقى معجزة
من غير لغات وعلوم
وعربي وجبر وهندسة
ياالف اه واه اسفه
راحت خلاص ع الأم
مبقتش هي المدرسة
وهكذا……..لما تكون
دي قدوة ولادنا
يبقى احنا ناخد
حبوب الهلوسة
التعليقات مغلقة.