يااااااه على حبك….. “إلى امى النائمه فى قبرها “بقلم اشرف الشناوى شاعر عامية المنصورة البرامون

يااااااه على حبك….. “إلى امى النائمه فى قبرها “بقلم اشرف الشناوى شاعر عامية المنصورة البرامون

ولانك لسه
بترسمى فيا حاجات
وبشوف الحلم
فى كفك يبقى نايات
وبحسك جوا عروقى
بتجرى ساعات
وبتلحقى قلبى
ان بطل دق
والقاكى تزقى
فى روحى وتهبطى زق
انا شايفك اجمل حاجه
فى كل العالم
وبحسك وحدك
من ذرية آدم
انسان وبحق
وان مره زعلت
بالاقى ايديكى
تطبطب جرحى
انا مهما غلط
معاكى كتير بتسامحى
وبشوفك تقطعى
روحك ليا طريق
والقاكى فى وقت
المحنه بجد صديق
يااه على حبك ياااه
زى حلاوة الميه
كل مابعطش يامه
تبل الريق
ايوا غرامك زى الخمره
بتحلا وتحلا من التعتيق
عارفه الصبح بشوفك
زى الشمسه
تدفى حيطان الدار
ايوه باحسك فتله بزار
لمه السبحه فى كل نهار
واما تعدى العتمه عليا
القى فى وشك
سيل انوار
ولانك لسه بترسمى
فيا حاجات
فبلاش تسيبينى لوحدى
اكمل فى المشوار
طب اعيش ازاى
من غيرك
وسط النار ………………..