ياااا توتة ٠٠٠٠٠توتة… شعر جيهان النجار

خلاص. !!
مابقتش محتاج بوسة فى قلب كفك
ولا مستنيها يوم ترتاح على صدرك وكتفك

ولا تبدر معاك الضحك على سنين الوجع
مابقتش محتاج حروف الشعر وتنهيد الدلع

*خلاص !!
يااااااتوتة ٠٠٠٠ كل كلام الليل ٠٠٠ الصبح داب
وفرغت الحدوتة
وخلصت الأسباب

*وخيال الصورة ع الممر نطق وقال كات شبكة روحها ف ايدك الشمال
بتشد ف حبال الأمل
وترقع ف الوصال
وتدبح الماضي بسلاح الحلال

*خلاص !!
مابقتش فارقة معاك ولاعايز تسمع لها
ولا عندك استعداد

*اخترت تهرب جوه فدادين البعاد
وتحش روحها بسيوف
الحصاد
نشنت سيفك
وسط راسه وقلبها
م الضربة فقدت احساسها ووعيها

*ماتت وروحها عاشقة الممكنات
بتعزف ل روحك كلمات٠٠٠٠ ليست كالكلمات