ياااه بقلم / حسن أبو عرب
يااه على دنيا مبترحمش
ناس مرتاحه وناس متنامش
ناس بتدوب من همسه وكلمه
وناس مسعوره مبتفهمش
يااااه
يااااه ياسنين العمر جريتى
لا رحمتى ولامره هديتى
دايما تخدى وامته عطيتى
يااااه
يااه ياسنين العمر يادايسه
ضاربه غلابه وأغنيا بايسه
واحنا مطايا وانتى السايسه
ياااه
على ماضى وذكرى جميله
غابت شمسه وملناش حيله
فين اللمه وفين العيله
ياااه على حاضر ماشى بالتيله
ياااه على حاضر ماشى بالتيله
التعليقات مغلقة.