يابا العمدة … طرفة لزين ممدوح “جوجل”
واد يا مرزوق
نعمين يابا العمده
متعرفش البت فكيهة روحت لجوزها ولا لاء
بصراحة معرفش
مش كنت تستقصى وتشوف الحكاية يا وله
واستقصى ليه ،ثوانى واجيب لك الموضوع على طول
ايه هتروح تسألها رجعت لجوزك ولا لاء؟!
لاء هسأل جوجل!
ومال جوجل بفكيهة المغبونة!
كل حاجه دلوقتي يا عمدة موجود على النت
دا حتى جملات بقول لها من يومين شوف لنا حاجه حلوه ناكلها،قالت لى ثوانى، ادخل على اليوتيوب
بقينا بناكل من على اليوتوب يا عمدة !!
أهو خبر فكيهة أهو اقرأ سعادتك
اقرا انت يا وله
باب قضايا المرأة أهو
بعد اسبوعين من الغبن فكيهة تعود لبيتها ومتولى يتعهد بحسن المعاملة !!
التعليقات مغلقة.