يابا العمدة طرفة لزين ممدوح
واد يا مرزوق خد تعالا هنا.
نعمين يابا العمده.
أنت عارف موضوع معاكسات التلفون!عامل مشكلة فى الكفر.
موضوع ملوش حل ولا علاج.
لا ليه علاج يا وله ومضاد حيوى.
آنى فكرت فى فكرة هتمنع المعاكسات نهائيا.
هعرضها على المجلس.
إيه هى الفكرة شوقتنى.
البطاقة بتاعتك.
مالها البطاقة
هى رقم التلفون!
مش ممكن يا عمده هو دا كلام
الاتصالات تتعاون مع السجل المدنى ويحطوا لنا كباين زى بتاع ميناتل زمان ،وتغرق مصر كباين تابعه للسجل
ودى هتشتغل ازاى .
انت تطلع بطاقتك، وتدخلها فى الكابينة،وتضرب 14رقم الرقم القومى . هيظهر عندى اسمك وعنوانك.
وبكده محدش يقدر يعاكس والكلام الفاضي ده.
ولما ارن عليك ويكون مغلق،يقولى البطاقة التى تحاول الإتصال بها ربما تكون فى المحفظة أو خارج نطاق السجل.
مش ممكن المجلس يوافق على حاجه زى كده
ملكش دعوة انت ،دول ناس طيبين
وإن شاء الله موافقة !
زين ممدوح
التعليقات مغلقة.