يابا العمده ” مترو “
زين ممدوح
مدى شوية يا جملات خلينا نلحق المترو اللى ع الرصيف ده
بالهداوة يا مرزوق الدنيا مش هطير الحمد لله يالا اقعدى هنا،حلو المترو رغم الزحمه
بس قولى انت الأول ايه كمية البياعين اللى فى المترو دى هنعمل ايه ،غلبنا نقول احترموا المواصلة الوحيدة اللى فى مصر عليها القيمة،ووجهة مصر المشرفة،زى ما انت شايفه كده، بقت عتبة متنقلة،ومرتع للبياعين.
والمسؤولين فين يا خويا بعافية شوية رغم إنك بتتضحكى ،بس كلامك فى محله،فعلا المسؤولين بعافية، وسايبين الحبل ع الغارب،بدعوى الناس بتاكل عيش
ياكلو عيش ماشى بس ما نشوهش صورة البلد،والست اللى بتشحت دى كل مره بلاقيها هنا،زى ما يكون موظفه فى المترو عارفه يا جمل! ،وانا فى اليابان مشفتش مثلا واحد ياباني
طلع المترو وقعد يقول ،بص بقى يا استاذ بص يا بيه بضاعة ولا استغلال المحلات،هتقلاقيها ب10و15ج
كل من طلع 10ج خد 4فرش سنان
مظنش يعملوا كده فى اليابان وكله كوم بقى، واللى قاعد يقزقز لب ده كوم تانى
آنى عارفه إنك زعلان علشان بيرمى القشر ع الأرض لا يا بت انى زعلان أنه مدانيش شوية لب
التعليقات مغلقة.