يابا العمده… طرفة لزين ممدوح ” شيخ الغفر “
جبت يا وله شيخ غفر جديد
أيوه يا عمده
وفهمته دوره ومهامه
تمام،أول حاجه عملتها
وطوع ياوله
,طوع الطوع
_ حفظته النشيد اللى هيقوله قدامى
_ حصل وحصل
براوه عليك يا وله. طب هاته يا مرزوق
تعالى يا عوضين اقف هنا قدام جناب العمده
أوامر جنابك ياسى مرزوق
شفت يا عمده طوع معايا ازاى،فما بال جنانبك.
قول يا عوضين قول
احلف بالعمده وبغلاوته
أحلف بدماغه وبنباهته
أحلف بأطيانه وبفلوسه
احلف برمضان وفانونسه
احنا معاه بضمير وبذمه
ولو عيشنا ع الملح والجبنه !
فعلا يا واد يا مرزوق انت كان عندك حق
لما قولت كله بالحب
شيل ياوله الياسمين من الشاى وحط بداله حب
ونبه على الأنفار كلها من هنا ورايح مفيش قبض
كله هياخد آخر الشهر مرتبه م الحب
ياكل ويعيش حب ف حب
ويعمل جمعية كمان !!
التعليقات مغلقة.