يابا العمده…طرفة لزين ممدوح “عال العال”
قولى يا مرزوق بصراحه كده انت راضى عن نفسك
وعن أحوالنا
شكلك سبتى برامج الطبخ ودخلت على الأخبار وده باين توجه جديد
مش توجه ولا حاجه يا مرزوق،دا اسمه وعى ،والمرأة لازم تبقى على دراية بكل حاجه حواليها،انت ناسى إنى عضوة فى جمعية إمرأة بلا رجيم
بصى يا جمولتى،راضى عن نفسى ممكن ،لكن أحوالنا؟
مالها أحوالن عال العال، الحمدلله لله حلوة مش ناقصنا أيتها حاجه،والناس سهرانه على راحتنا ليل نهار،ومحدش فيهم بينام،تصورى بطلوا يروحوا الساونا وده ليه
ماهو علشان راحتنا
يا سلام
اه أمال إيه يا بت
وبعدين انت مش عندك فول نابت
أيوة عندى
طب عايزة إيه تانى يا جملات
انت كده بقيت سيدة أعمال
التعليقات مغلقة.