يابا العمده طرفة لزين ممدوح ” مرزوق ع الحديدة”
الحقى يا ست جملات
سى مرزوق جاى بزفه من أول الجسر لحد هنا ،بيقولوا اشترى جرار حلو قوى، وجايين على هنا
وقف يا جدع ألف شكر يا رجاله،نجاملكم فى الأفراح
ايه دا يا مرزوق
دا جرار يا جملات
ما أنا عارفه إنه جرار،جبت فلوسه منين
انت عارفه الكتاب بتاعى مرزوق ع الحديدة
رحت المعرض لقيت هناك زحمه شديدة قوى ،والناس واقفه طابور ع الكتاب
بقى دى معقوله يا مرزوق
اه وغلاوتك زى ما بقول لك كده
ولقيت كُتّاب تانيين عاملين حفل توقيع لكتبهم
يعنى إيه حفل توقيع؟!
جايين كيكة وحاجه ساقعه
لا يا بت ماسكين قلم وهاتك يا توقيع لكل حد يشتري نسخه
وانت عملت ايه
انى مرضيتش أعمل زيهم دى أول مشاركة لمرزوق ع الحديدة
طلعت الختم بتاعى ،وكل واحد يشترى نسخه أوقع له وأختم له
وييجى حاطط فى المنديل اللى فارشة ع التربيزة 3ج ونص
سعر الكتاب
الكتاب ب 3ونص يا مرزوق
أيوة بت وهو ده اللى عمل ضجه داخل المعرض
ولا صوت يعلو فوق صوت مرزوق ع الحديدة
ولميت المنديل بفلوسه ودفعتهم مقدم جرار
زى ما انت شفت كده
تعالى يالا ناخد صوره مع جرار حبنا !!
التعليقات مغلقة.