يابشر امته تفوقوا … بقلم حسن أبو عرب
حتى لو هيزيد ألمنا
أو سمعنا كتير ملامه
لو تزِل فى يوم قدَمْنَا
أو تغيب الابتسَامَه
ع البطون رابطين حِزامنا
رأس مالنا بيْكُون شهامه
والإيمان والنور إمامنا
لجل نوصل بالسلامه
يابشر امته تفوقوا
فى الغباوه ليه تسوقوا
كل مظلوم له حقوقه
يا اللي دنستوا العمامه
يا اللي ضليتوا المسير
يا اللى بعتوا للضمير
يا اللى دستوا ع الفقير
كلتوا ليه حق اليتامى
لو هنعند أونخالف
او نصاحب كل تالف
كل باطل له نحالف
تبقى دي اكبر علامه
ع اللى صبحوا م الخوالف
كل صاحب عقل عارف
ان شر الدنيا زاحف
لجل ماتقوم القيامه
التعليقات مغلقة.