يابنت الايه بقلم عاطف عبد الحميد
يابنت الايه
اما انتى يا بنت الايه
عامله ف القلب عمايل
ببساطه بشوفك فيه
وبدادى الرمش وأحايل
…..
انا عاشق قلبى خبير
ف الحب وعندى سوابق
و معايا تعب مشاوير
وإحتار ف لقاه و مفارق
م الجرح أخدت مناعه
ودموع على ناس متباعه
كان فاكرك برضه اشاعه
اتاريه لحروفك عاشق
بس انتى يا بنت الإيه
حراميه و قلبك سارق!!!
……
طول عمري قلبى بإيدى
و لا ليا نفطه ضعف
نبضى على قد وريدي
و مشاعري ماليه الكف
لانا غاوى اعيش فالوهم
و لا نظره تاخدنى لحلم
محروقه نهاية الفيلم
وإشمعنى هواكى ماخف؟
عشان انتى يا بنت الإيه
ف غرامك فوق الوصف
…
عاطف عبد الحميد
التعليقات مغلقة.