يابنت النيل…بقلم الشاعر فتحي نجم

يابنت النيل…بقلم الشاعر فتحي نجم

يابنـت النيــــل يانـوبيــه
طيابتـك فـي الوجــود آيـه
ياقلـب نضيـف ومسقيــه
عسـل صـافــــي ودا الغايـه
وشـوش بريئـه كالأطفـال
محنيـه الإيـديــــن والخــد
مازيهـا حـــد فـي الجيـره
مسيـــــرة كـــدها حكـــايـه

يابنت النيــل بفرعينـــــك
ياوردايـــــه وضحكـــايــه
قمـر ســارج زايـــن ليـلك
ياصفصــافــه ياضـــلايـــه
بين دراعاتك سجر طارح
بيحلــــي المــــر والمالـــح
بمد الفرحـــه مـن عينــك
وبحضــــن ود ودي حكايـه

يابنت النيــل يافلاحــه
يالون الزرع ويا الطيــن
أحبـــك مانجه وتفاحـه
ياأصــل الفـل والياسمين
يابنت النيـــل ياحمالــه
مـــرار الصبـــر والمعنـاه
تشيلي كل يــوم حالــه
ولا عمــرك تقـولـــي الآه

يابنت النيـــل يالهلوبــه
ياماليا القُلـه ويا الزيــــر
عبيـرك دفَّا ليـل طوبــه
ونسّـــم الهوي في أمشير
عيدانك من جنان طوبىٰ
عفيــــه الأرض مخـدومـه
زرعتـي الحــب والطيبـه
طبيبـــه لمستـــك تخديــر

يابنت النيـــل يا لماحـــه
يافاردا قلوعك طول وعرض
صباحـك نخله طراحــــه
ماليـا رطـبها ربــــوع الأرض
ويشهــــــد ربنا المعبـــود
إنـك أصيـلــة وبنـت جــــود
زاهيـــة الطلــه فواحـــــه
أبيـــة تصـــــــــوني العـرض

يابنت النيــــل ياأميـــرة
فداكـــي الكـون باللي فيه
حبيبه وزوجــه وسميرة
وقلـب حنين معجونه بيـه
ماشكلك حد في الجيرة
وبين النـاس محبــــــــوبـه
تحلي مشاكلك بلا حيره
وجمالك لايعلـىٰ عليــــــه

يابنت النيـل يامجـــدافي
ياعود طرحـه مالو حــدود
أرض وعزقها بعرق فاســي
وعمري مااخلف ليها وعود
رضيت بيكي تكــوني أمـي
ووقت الشـدة تشيلي همي
ياتاج مرصـــع علـي راسـي
ياقلب طيب ذكـروا وجـود
بقلم/فتحى نجم
مارس 2022