ياجمال فستانك … شعر أحمد فؤاد الهادي
ياحلاوتك .. ياجمال فستانك
حلوة الحرية على لسانك
………..
حلوة سماكى وخضار زرعك
حلوة المية سارية ف ترعك
حلو نخيلك وجميل نيلك
حلو صباحك وأمير ليلك
عدى ودوسى أحزانك
ياحلاوتك .. ياجمال فستانك
…………
حلوة كنايسك حلوة جوامعك
وماعاش اللى يسبب دمعك
خلى البسمة راسمه شفايفك
دى الفرحة مخلوقة عشانك
الله الله على الوانك
ياحلاوتك .. ياجمال فستانك
……………….
التعليقات مغلقة.