ياحبيبي…..بقلم امل محمود عبد الرازق
ياحبيبي لسه جوايا لمحة
جوه قلبي روحي ساكنة
نظرة عاشقة ونظرة سارقة
حب روحي جوة مني
حلم ضايع لسه فاكرة
الملامح شيبتني وعجزتني
بس جوا القلب طفلة
لما اشوفك تجري ترقص
ولا روحي تعيش في حالة
عمري بتمنى لقاها
من ملامحك عشت عالم
شوفت فيه عمري اللي راح
ضيعت كل الجراح
كنت بسأل ليه بحبك
ولا حبك ليه معشش
جوه روحي ونن عيني
كنت بسأل ليه سنيني
بتصالحني وبتلاقيني
يمكن الأيام تداوي
واللي عيشته كان يساوي
وانتظرتك ياحب عمري
غصب عني مش بأمري
ياللي حبك بيناديني
قوم معايا وخد حنيني
لسه جوايا الكتير
بس كون ليه الدليل
ضمني وخدني في حضنك
أنا مش عايشة في بعدك
يالا يا فارس حياتي
بالحصان الابيض وخدني
للمكان اللي انت عايزه
أو جزيرة بعيدة جدا
نختفي ونعيش حياتنا
ونفرش الحنان في بيتنا
نسرق الأحلام ونجري
وبعد ليلي يهل فجري
طفلتي تكبر في قلبي
بس تفضل أنت جنبي
والخريف يطرح زهور
والسما تمطر سرور
ياحبيبي الوحدة صعبة
من غيرك عايشة في غربة
ربنا يقرب بعادنا
دا القلوب قوتنا وزادنا
نفسي اعيش في عينيك بنظرة
نفسي أعيش والغيرة ظاهرة
ََسفيرة السلام
التعليقات مغلقة.