ياربنا.. كلمات/ حسن أبوعرب
الفرحه بيخنقها الظلام
غصبا نوينا للصيام
قطعوا الزتون
طفش الحمام
ناصبين خيام
بتدارى عورات العِظَام
مين اللى حس فى يوم بنا
مليون حزام فوق البطون
كل اما يظهر فجر تانى
يادُوب ثوانى
الضلمه تيجى تشدنا!!
ياليل وكاره للنهار
ايه اللى صار
مش يبقى عار!!
بُومَك عينيه
سارجين شرار
يزعق فيشرخ
فى الجدار
والكل واقف ضدنا
ياربنا يا ذا الجلال
يامثبت الأرض بجبال
ياواجد الخير والجمال
وارْحَم كمان من امِّنا
ألِّف مابين كل القلوب
وانظر لنا لجلِن نتُوب
اغفر لنا كل الذنوب
بالحب تشرُق شمسِّنَا
التعليقات مغلقة، ولكن تركبكس وبينغبكس مفتوحة.