يارب البيت… شعر حسن أبو عرب
ونادى البيت على الجامع
بصُوت دامع وكان مخنوق
ومتكَتِف ومتحَاوِط
بمليون طوق
ومتدَرَّع ومتفرع
بمِيت هلفُوت
دا بِيطَبل ودا يزَمَّر
وغيرهُم يَامَا
كان مبسوط
ياجامع عُمرُه جامِعنَا
فى فَرح وشِدَه بيسَعنَا
أنا المحقُوق
وانا القَابِض على الجمرَه
وانا المشنُوق على هلالك وع المَدنَه
وانا الباكى أيات الشوق
يارب الخلق ياعالِم
جميع لَسرَار
أكيد لِلجَنَّه سُكانهَا
وناس للنار
غريب الدار صبح محتار
حياته جحيم وذُل مرار
لَا لَاقِى مأوَى لُه ولا دار
ولا عايش مع العايشين
ولا ميت مع الأموات
بيِشكِى حالُه للمولى
ورافِع ايدُه للسماوات
يارب البيت أنا ملِّيت
مِن احوَالهُم وأفعالهُم
دى خلق الكل بِلعنهُم
ياتهدِيهُم يا إما يزيدوا
فى ضلالهُم
يارب قَطع اوصَالهُم
وِتُوهُوا ف دنيِة المتاهات ..
التعليقات مغلقة.