يارب سامحني …بقلم شيماء عادل
ارمي لقلبي العزا
من غير ما تفرش صوان
الدمعه متعززه
والقلب عاش خسران
وف حضن مين اترمي؟
لحظه طلوع الروح
مش اي حضن يضمنا
الزفة خسرانه
وانا جوه قبري سامع الأحياء
الكل يصرخ نفسهم ارجع
طب كنتو فين لحظه ما بَتْوَجَع
الصعب اني ادوس على روحي
ازيد ألم روحي
وانتو الحبايب بتزودوه حبة
يا كاظمين الغيظ
الجنه دي ليكم
كل الحبايب بيضموا ف عيونهم
يبكوا بضمايرهم
بس مانيش راجعه
المره دي حالفه
ابعد انا عنكم
والله ما رجعالكم
كل الحبايب زودو وجعي
قلبي خلاص اهو مات
الدنيا رفضتني
من وقت لما كنت
ف عشقي انا بحبي
سلام
يا كل الحبايب
ما تفكروش فيا
والله بعديا
اكيد هتنسوني
ما بقيتش باقي ع اللي جاي
ما بقاش في ضي
يرسم طريق عتمتي
يارب سامحني
التعليقات مغلقة.