ياشمس كلمات / عصام اديب شحاتة
وماتت في قلوبنا حياه
وعاشت انة التنهيد
ياضحكه جوه قلب الأه
حرقها جمرة التسهيد
قلوب الخلق عطشانه
لري ف غنوة الاناشيد
تخضر بالامل روحها
وتنظر شمس ساكنه بعيد
ياشمس مهاجره ارض وروح
دا عتمة ليل بتسكنا
بتسرق من كلامنا البوح
تخبي الدمعه عن عينا
متيجي تسكني ارضي
واكحل عيني من ضيك
وتبقي سنتي وفرضي
وتبقي لي هلال العيد
ياومضه من رضا ربي
يافرحه جايه بالمواعيد
ليالي العمر بتعدي
وانتي لسه ساكنه بعيد
وانتي لسه ساكنه بعيد
التعليقات مغلقة.