ياشهر الصوم… شعر السيد الشيتي
كل عام وانتم بخير
رغم العذاب المُر
رغم الحروب والدمار
وسنين عِجاف بتمُر
كل عام والدنيا احوالها تسر
ونشوف بلدنا بخير
خالعة جذور الشر
ياشهر الصوم يابلسم
يشفى كل جريح
ف عز النوم تصحينا
على التسابيح
صيام رمضان جوارح
كلها صايمه
قلوب تشهد بأن الدنيا
مش دايمه
وسوق ينفض
وقيامه اكيد قايمه
فى ناس عايشه
وفى بحر الهنا بتعوم
وناس مدفونه
محتاجه لقوت اليوم
ياريت بالصوم
نحس مرارة المحروم
صيام رمضان مش زينه
و زفه ونور
ولاسبحه وصاحبها
ضمير مهجور
صيام رمضان خلية نحل
وسط زهور
كل عام رمضان يضلل
بالايمان على شعبنا
نزرع سنابل خير
و أنفاسه تعطرجونا
ساعة الفطار
صوت الادان بيلمنا
“الله اكبر” من زمان
صيحه تجمع شملنا
ياريت نصحى
وضمايرنا تصحى النوم
نراجع نفسنا تانى
ف شهر الصوم
نصفى قلوبنا
دا الخالق بيعشق
توبة المخلوق
وبيسامح ويبسط ايده
للتوبه
ياريتنا نفوق
التعليقات مغلقة.