ياعجين خمران شعر .. أشرف الشناوي
ياعجين خمران عاوز فران
وكمان وزان عالطبليه
هز الغربال اه ياسير بطال
عاوز انفار على اوجريه
اه ياارض شرقائي وعطشانه
بالخير محبوسه ومليانه
اه ياديك بيصيح
على صبح فصيح
والصبح دبيح م الفجريه
ياعجين خمران عاوز فران
وكمان وزان عالطبليه
الفرخه يوماتي اهي بتكاكي
والليل بيلم في احلامنا
يغزل اوجاعنا واوهامنا
ويدوس على جرحنا جوانا
ويدق البكر في غناوينا
ويكسر في عيدان امانينا
ويشد الروح يلعب بيها
ويدور بالنور عالارض البور
حالف لايروح وهايسقيها
ياعجين خمران عاوز فران
وكمان وزان عالطبليه
ياحيطان بتحيض
الديك هايبيض
اه يافجر عبيط طالع ليا
والصبح غشيم زي المجانين
ولا ملش يوم م المرازيه
وشبعنا عياط ودموع وخياط
في جراحنا الدايبه المهريه
وسنين بتفوت والروح بتموت
ولا مره وصلنا معديه
ياعجين خمران عاوز فران
وكمان وزان عالطبليه
التعليقات مغلقة.