يامقصقصين الريش.بقلم.غريب الشعراوي
يا مقصقصين الريش
من اى ديك مخنوق
إنسان و لابس خيش
فى دموعه مات محروق
محروق بدمع الألم
ومين يداوى الأه
مقصوف يا سن القلم
من جوع يمس خطاه
و الخطوه فوق الشوك
تنزف دموع و أنين
و النعل يلعن ابوك
يا دولار فى بنك الطين
و الطين مع الأوحال
بيمرمغوا الأسعار
ويحطموا التمثال
لشرازم التجار
يا جحافل التجار
مالكم و مال جيبى
و انا جيبى طاله النار
و العيب ماهوش عيبى
العيب أصول الدين
متراكمه فى دولابى
خايف سيول العين
تنزف على كتابى
كتاب مماتى يا زين
مليان دموع و أهات
بيسد صكه العين
من كُسفة الدولارات
التعليقات مغلقة.