يا أرض انشقي بقلم محمد أبو النصر
يا ال انتَ مُحدِث نِعمْ
والدنيا مُش سيْعاكْ
وراكبْ مُودِيلّ السنةْ
دي.. والفلوسْ ويّاكْ
بتقولْ يا أرضِ انشَقّي
مفيشْ حدّ زَيِّيِ مَلاكْ
وكل ال عايزُه مُجابْ
في (مِسرة) أو في (كْياك)
وشايفْ أخوكْ غلبانْ
ولا انتَ هِنا…
ولا انتَ هْناك
وجاركْ المسكينْ
لو جاهْ في يومْ ونَداكْ
تشمخْ بأنفَكْ فُوقْ
وكأنُّه عبدْ حَداكْ
نسيتْ إلاهك ليهْ
اللي بِفضلُه غَناكْ
وجَحدْت أصلكْ
وفصلكْ
و اللي كمانْ رباكْ
بْكرة الترابْ يتفرشْ
والدودْ ناخرْ جِوّاكْ
وترجعِ الملايينْ
ولا حدّشْ يباتْ ويّاكْ
اعملْ يا خويا لقبرَك
دا عملك هو الّ..
بااااقي معااااكْ
التعليقات مغلقة.