يا ام المقام عالى … شعر حسن أبو عرب
لابسه الغمى دايره
فوق المدار سايره
تروي فى غيطان بايره
للسعى واخدَه قرار
صَبرَه على عجافك
شايله على اكتافِك
كام حِمل فوق نافِك
حلمِك تلاقي خضار
وتنصفى المساكين
وتسلسلي الشياطين
يْخضَر تانى التين
وتفتح الأزهار
ياحِته م الجَنه
دا الكُل قام غنى
وبيدعى ويتمنى
ياقبلة الأحرار
ياام المقام عالى
والله التراب غالى
روحى وكمان مالى
فدا الوطن والدار
التعليقات مغلقة.