يا خالق الصبر
راحيل أبوزيد
ياخالق الصبر صبرنا بصبر الصابرين.
حياتنا ليه مقلوبة…شمالها لاغي اليمين.
والدنيا جايرة علينا ميزانها مالوش كفتين.
لا ارتحنا زي اللي ماتوا ولا احنا ياناس عايشين.
وكل مانهرب من حفرة في غيرها نروح واقعين.
وفعز صرخة وجعنا يتقال علينا ظالمين.
رسمونا فصورة ديابة. واحنا ياناس مساكين.
فاللهم اجبر كسرنا واجعلنا من المنصوفين.
ولا تشمت فينا العدا أغراب كانوا او قرايبين.
ومهما تكن مشيئتك فيا رب احنا راضيين.
التعليقات مغلقة.