يا دهب قشرة…شعر محمد مفتاح
حسيت ده كتير إن أنا مفقود
في العالم أصلا مش موجود
ليه كل مغادر مش بيعود
حسيت بالخوف
وبكيت عيني
بعتب علي غدر سنيني
من ناس بايعين
كنت انا شارى
احساسهم دايما متدارى
بيبان الغش ويضحكو زيف
ونقول معلش ده مش بالكيف
طبع وجواهم متأصل
ولا يتغير لو إيه يحصل
وحلمت كتير
ولا مره الحلم بيتحقق
وبدون تفسير
اصبحت بعيشه وبصدق
وبصاحب وهم
واعيش أنا بيه
هتقول طب ليه
هصاحب مين
والغدر طباع البني أدميين
عاشرنا سنين
ياخساره العشره ماطمرتشي
ولا عيش ولا ملح
أبدا عالعشره مابقيتشي
ياخساره بجد عالعشره
طلعت فالصو ودهب قشره
مليت وبجد
مش لاقي حد
أفضفضله
أو أبقي معاه
وقت أما اعوزله
أو احتاجله
دايما ألقاه
هتقول ده محال
أو شبه خيال
أحلم في الحلم جايز تلقاه
التعليقات مغلقة.