يا ست الشوق غلبني كتير شعر الاستاذ /طلعت مجاهد
غَلَبْنِي الشُّوقْ
ياست الشوق غلبني كتيرْ
وانا في هواكِ برده اسيرْ
ادوس الشوكْ عشان خاطركْ
ولا يلزمني ادوس ف حريرْ
انا في هواكِ دايب دوبْ
وعن حبك لايمكن اتوبْ
اناشوقي قدر مكتوبْ
انا اللي حلمت بيكِ كتيرْ
وعليكِ ياما كنت بَغِيرْ
واناشربت الضنا والويل
وبمشيلك خطايا ميلْ
عشان اوصل وافرح بكْ
وأسقيكِ الهنا مواويلْ
وعشت كتير على دا الحالْ
ولااهنالي في مره البالْ
تطاوعيني انا هاطوعكْ
تناديني انا اندهلكْ
تصارحيني انااصارحكْ
ونور فؤادي ارسملكْ
تخطي عليه بكل أمانْ
وأعود اسهر مع النجمهْ
وتسهر ويانا القمرهْ
واكتب كل يوم كلمهْ
موزونه بأحلى ميزانْ
ياعمري ودنيتي وليليِ
دانورك فاق قناديلــــيِ
أنا مستني يوم تيجيِ
نرجع اللي بينا و كانْ
ماضينا كان أمل فِينا
وكان أحلام تدفِينا
و نجاه لينا من الأحزانْ
وكان مبنى على العرفانْ
وعمره ماكان على الهجرانْ
ولا نسمع لِكُنَّا وكانْ
ونِبقى للوفا عنوانْ
صحيح الدنيا ظلمتنا
وحَرمت فينا لَمِّتنا
وقفلت فيناباب بِيتنا
وعِشْنا اسري للحرمانْ
ورغم البعد والمسافاتْ
ورغم الأنه والآهاتْ
الاقيكي أمل بُكرهْ
وحنيني للِّي عدَّي و فاتْ
ج مصر العربية أجا دقهليه
التعليقات مغلقة.