يا طيبة بقلم هنا سعد
يا طيبة
بتطبطب على القلوب
المجروحين
وتقول لدايق المُر
حالا هحللى عمرك..
هنَسّيك الساعات القاسية
ف دقايق ..
هطفى جواك
الحرايق.
وهسلمك ترياق حنان
وتعيش باقى العمر
رايق..
يا طيبة
ازاى قدرتى تمسحى
دموع القلوب
وترشى سكر
على العذاب ..
خليتى كل المُر داب ..
والظن فيكى يا طيبة
عمره ما خاب..
يا طيبة تعيشى
أصلك من دهب ..
والقسوة ميزانها
التراب..
:::؛؛؛؛::؛؛؛؛
نعيش بنحلف بالطيبين
اللى ف حياتنا ..
ونقول لرب الكون
هم اللى مسحوا
آهاتنا..
مسحوا الوجع ..
عملوا البدع ..
علشان نعيش
والدنيا ف عيونهم
من غيرنا متساويش
التعليقات مغلقة.