يا طير كلمات / حسن أبوعرب
ياطير يا سابح في السما
فوق السحاب
عمال بتسرُخ إنما!!
مش لاقي رَد ولا جواب
ياما ناس بتعشق بالوَمَا
والعشق للمُريدِين عذاب
يمكن يكُون صَابنَا العَمَى
وبنثبِت الحاضرين غياب
خليك ضمير بيهزنا
ينده علينا يشدِنَا
ويخدنا دايما للرحاب
م انت الدليل لو حَد تاه
و آذَانَّا فى وقت الصلاه
تسبيحه بتناجي الإله
وتمد ايدها للي تاب
ف املَا بغُنَاك فِيض البرَاح
اوعاك تهاب عَصف الرياح
الليل مَضَى والفجر لاَح
بالضي فاتح ألف باب
التعليقات مغلقة.