يا عاشقين …
بقلم شيماء عادل
القلب يشبه لون شعر متحني بدموع الليل
لحظة فراق الطيبين
يا هربانين من عتمة الفرقه
الضلمة مش فارقه
الضلمة وقت الجد
تحضن ضلوعي المجروحبن
من كل حد
ساب الوجع ينزف آنين
يا عاشقين
لحظه سكوت الكلمه بين رمشي
انا ضي متخبي ف سكات الليل
والنيل شبع مواويل
سكرانه هي الضلمة
مكسوره فرحتها
الدنيا جبرتها
تقفل بيبان نورها
على كل من زارها
القلب بارت ضحكته
متصنعين الصمت
لجل يدوبوك
ف بحور دموعك لما فيها يغرقوك
يلففوك الحزن بكعوب من ورق
باشت سنينك م الغرق
باتت ضفاير حلمنا
تشفع لنا
ويا السكات
القلب بات
يخفى ملامح سن عجز
وعمر قبل الفرح مات
فارد ايدين اللقا
على الأرض تتمخطر
قلبك ماهوش اخضر
وفرحتك زايفه
التعليقات مغلقة.