يا عم يا ابو البنات
جمال زكى عينر
يا عم يا ابو البنات
اوعاك تبات مهموم
ما تشيلش هم الرزق
رزق البنات بالكوم
البنت زي الولد
مش عار ولا سبه
احسن علامها وأدبها
ما تخافشي ابدا لوم
يا اللي معاك البنية
صونها ما تهملهاش
اوعاك تفرط فيها
ده شرفها مش ببلاش
وان مالت ناحية شمالها
اعدلها بالحكمة
واحكم لجامها بايديك
لكن ما تقتلهاش
ياللي معاك البنات
ستر البنات مطلوب
احسن لها النيات
ربك ده رب قلوب
وان جه عدلها عدل
افتح لها الأبواب
حتكون له شهر العسل
ويكون لها المحبوب
ياللي انت ساعة الخلف
البنت ما رايدهاش
ارضى برزق الاله
اعدل ما تتجناش
خلف البنية هدية
إياك ما تقبلهاش
بقلمي الشاعر جمال زكي عينر
التعليقات مغلقة.